Алсу ГЫЙЛЬФАНОВА,

Теләче урта мәктәбенең

 татар теле һәм әдәбияты укытучысы

Сыйныф: 4 нче  татар  сыйныфы

Максат:1) сан турында төшенчә бирү;

2) микъдар һәм тәртип саннары турында аңлату;

3) саннарны сөйләмдә дөрес куллану, дөрес язу күнекмәләрен үстерү;

4) укучыларда татар телен өйрәнүгә, белем алуга уңай мөнәсәбәт тудыру.

Җиһазлау: компьютер, дәреслекләр, дәфтәрләр, күрсәтмәлелек.

Дәрес тибы: Яңа материалны аңлату.

Дәреснең төре: эшлекле дәрес.

Үткәрү формалары: индивидуаль,  төркемдә.

Укыту методлары: Дәреслек белән эшләү, күнегүләр эшләү, күрсәтмә әсбаплардан (презентация) файдалану, аңлату һ.б.

                                             Дәрес барышы:

I Оештыру. Уңай психологик халәт булдыру.

• Исәнләшү.

1 нче слайд

– Исәнмесез, укучылар, килдегезме дәрескә?

Уен–көлке, мәшәкатьләр калдымы тәнәфестә?

Матур үтсен көнебез!

Көләч булсын йөзебез!

Дөрес, матур утырыйк,

Тырышып җавап бирик.

–Бүгенге татар теле дәресен мин алып барам. Минем исемем …

2) Уңай психологик халәт тудыру.

Көнне яхшы сүз белән башласаң, көн дә матур үтәр, диләр.

–Дуслар, әйдәгез, бер-беребез белән танышып үтик

(кар бөртеге ярдәмендә танышу, кар йомарламына кар бөртекләрен  беркетү)

2 нче слайд.

– Хәерле көн миңа!

– Хәерле көн сиңа!

– Хәерле көн безгә!

– Хәерле көн сезгә!

( Таныштык, дуслаштык)

3)Уку мәсьәләсен кую.

  3 нче слайд.

– Укучылар, бүгенге числоны һәм   сыйныф эшен язып куярбыз.

Сыйныф эше.

Матур язу күнегүе.

4 нче слайд.

– Тактага “Алтыда белгән ана телең алтмышта да онытылмас” мәкале язылган.

– Җөмләне укыгыз. Кайсы сузык аваз хәрефе еш кабатлана? Баш һәм юл А а хәрефләрен чиратлаштырып языгыз.

– Укучылар, бу мәкальдә  кара хәрефләр белән язылган сүзләр нинди сорауга җавап бирәләр?

• (ничәдә)

– Саннар бар.

Татар халык әкиятләреннән рәсемнәр (иллюстрацияләр) карау.

• Бу рәсемнәр кайсы әкиятләрдән? (“Өч кыз”, “Ике кыз”, “Ике ялкау”)
• Ничек уйлыйсыз, әлеге әкиятләрнең бүгенге татар теле дәресе белән нинди бәйләнеше бар?

– Әкият исемнәрендә саннар бар,

Димәк, без сан сүз төркеме турында өйрәнербез.

• Бүгенге дәрескә нинди уку мәсьәләсе куярбыз? Дәрестә нәрсә турында сөйләшербез.
• (–Бүген сан сүз төркеме турында сөйләшербез).

Әйе, укучылар, бүген без сан турында сөйләшербез.

Сан (дәфтәрләрдә)

III. Уку мәсьәләсен чишү. (Слайд)

(Сан – санын, ничә? )

• Саннар нәрсәне белдерә?
• Сан нинди сорауларга җавап бирә?

6 нчы слайд

(чыршыга санлы уенчыклар элү)

7 нче слайд

Бер-беренче

Ике-икенче

Өч-өченче

Дүрт-дүртенче

Биш-бишенче

Алты-алтынчы

(Микъдар һәм тәртип саннары турында төшенчә бирү.)

8 нче слайд

• кагыйдә язарга

II.Белемнәрне тигезләү

9 нчы слайд

• ял минуты

                                      Карточка белән эш

 10 нчы слайд

 Карточка җаваплары

11 нче слайд

Билге кую.

1. Рефлексия. (Йомгаклау)

Тормышта саннарны кайларда очратабыз?

• (Сәгать, машина, термометр, йорт номерлары)

13 нче слайд

• Бу дәрестә мин …….. белдем?
• Элек мин …..белми идем, бүген ….. өйрәндем.

14 нче слайд

Өй эше

1. …. нче күнегү
2. Составында сан булган

икешәр табышмак һәм мәкаль

язарга.

3. Иҗади эш: Саннар темасына

әкият язарга .

15 нче слайд

Смайлик

• кар бөртекләренә билгеләр кую

Укучыларның белемнәрен бәяләү. Үзбәя. Смайликлар өләшенә. Балалар смайликларны үз кәефләренә карап ясап бетерәләр.

16 нчы слайд

Рәхмәт сүзе.

– Дәрес тәмам. Сау-сәламәт булыгыз.