Гөлназ  ГӘЛИАСКАРОВА,

Казандагы

№187 нче  күппрофилле лицейның

туган (татар)  теле һәм  әдәбияты

укытучысы

Дәреснең максатлары

1. Белем бирү:  «Сәламәтлек !» темасы буенча өйрәнелгән лексик берәмлекләрне һәм грамматик конструкцияләрне   кабатлау  һәм   ныгыту.  Яңа   сүзләр   кертү, аларны    диалогик   сөйләмдә     кулланырга  өйрәтү.  Сәламәтлекне саклау буенча киңәшләр   бирергә   өйрәтү.
2. Үстерү: Сөйләм күнекмәләрен,   мөстәкыйль   фикерләү,   чагыштыру, нәтиҗәләр   ясау    һәм парларда   эшли белү    сәләтен үстерү.
3. Тәрбияви: Үз сәламәтлегеңә сакчыл караш   тәрбияләү,   игътибарлылык, тырышлык   һәм   кайгыртучанлык  кебек   сыйфатлар формалаштыру.

Планлаштырылган   нәтиҗәләр

Шәхескә кагылышлы: белем алуга мотивация булдыру, татар теленә карата кызыксыну уяту  күнекмәләрен  формалаштыру.

Метапредмет:

– танып-белү  УУГ: укытучы  ярдәмендә эшне планлаштыру,текстны кабул итү һәм аның эчтәлегендә ориентлашу. Бәйләнешле сөйләм үстерү.

– коммуникатив УУГ:  коммуникатив  максатлардан  чыгып сүзләрне дөрес куллана белү, үз фикереңне  әйтә һәм дәлилли белү.

– регулятив УУГ: дәреснең темасын һәм максатын формалаштыру; тормышта рус телле балаларның татарча сөйләшә белүенә ирешү.

Предмет нәтиҗәләре: Укучыларны яңа  сүзләр ярдәмендә җөмләләр төзеп, сөйләмдә дөрес кулланырга өйрәтү;   теманы йомгаклап, төрле төрдәге биремнәр эшләү.

Дәрес төре:   Лексик-грамматик күнекмәләрне һәм диалогик сөйләмне ныгыту дәресе.

Җиһазлар: «Сәлам» дәреслеге (4 нче сыйныф), интерактив такта, сүзләр язылган карточкалар, таблицалар. Эш формалары: Фронталь, индивидуаль, парлы.

Дәрес барышы

1. Оештыру моменты (2-3 минут)

Сәламләү:

– Исәнмесез, укучылар!

– Исәнмесез, укытучы апа!

– Хәлләрегез ничек?

• Рәхмәт, яхшы!

Уңай  психологик  халәт  (мөнәсәбәт) тудыру.

Фонетик зарядка: [къ], [гъ] авазлары кергән сүзләрне кабатлау (кул, колак, бармак, аяк, теш, тел).

1. Белемнәрне актуальләштерү (5 минут)
2. Гәүдә әгъзалары исемнәрен берлек һәм күплек санда (I, II зат) кабатлау: минем башым – синең башың, минем кулларым – синең кулларың.

1. Сүзлек уены (мәсәлән, туп белән «Волейбол»): укытучы татарча сүз әйтә – укучы русчага тәрҗемә итеп тупны кире кайтара.

III. Уку мәсьәләсен кую һәм яңа теманы кертү

1.Гигиена – саулык турында кыска видео яки мультфильм карау.

2. Сорау – җавап алымнары: «Авырмас өчен нишләргә кирәк?»

3 Тактада киңәш бирүче фигыльләрне таблица рәвешендә кертү:

Зарядка яса! – делай зарядку!

Йөгер! – бегай!

Йөз! – плавай!

Чаңгы шу! – катайся на лыжах!

Тимераякта шу! – катайся на коньках!

Дару эч! – прими лекарство!

Укып чыгу, тәрҗемә итү һәм хор белән кабатлау.

1. Күнекмәләрне ныгыту.
2. Рольле уеннар: Такта янына ике укучы чыга. Персонаж белән диалог төзү (мәсәлән, Доктор Айболит).

– Исәнмесез! Синең башың авыртамы?

–Әйе, минем башым авырта.

– Мә, дару эч! Зарядка яса! Сау бул!

2. Парларда эш: укучылар үрнәк буенча охшаш диалоглар төзиләр һәм сыйныфта  уйнап күрсәтәләр.

 Ситуатив күнегүләр .Укучыларга сөйләм күнекмәләрен  ныгыту өчен  си туацияләр тәкъдим итү.

1. Дустың еш авырый. Аңа спорт белән шөгыльләнергә киңәш итү.

А) зарядка ясарга (Зарядка яса!)

Б) чаңгы шуарга (Чаңгы шу!)

В) йөгерергә (Йөгер!)

2. Дустың авырып киткән. Аңа дару тәкъдим итү. «Мә, дару эч!»
3. Игътибарны җәлеп итү уены . Әгәр раслау дөрес булса – басабыз, ялган булса – утырабыз.

«Мин зарядка ясыйм» (Басабыз)

«Дустың сәламәт булсын өчен , син киңәш бирәсең: «Зарядка ясама!»» (Утырабыз)

1. Рефлексия һәм йомгаклау

Гомумиләштерү:

• Бүгенге дәрестә без нәрсә турында сөйләштек? (Сәламәтлек турында сөйләштек)

-Сәламәт булу өчен нишләргә кирәк? (Спорт, гигиена).

1. VI. Өй эше

1. Дустыңа киңәш бир:

Дустың җиләк-җимеш ашарга теләми. Аңа әйт: «Җиләк-җимеш аша!» (Ешь фрукты!)

Дустың урамга чыгарга теләми. Аңа әйт: «Урамга чык!» (Выходи на улицу!)

2. Татарчага тәрҗемә итегез:

Мои руки чистые. Твои ноги сильные. Его зубы белые. (Минем кулларым чиста. Синең аякларың көчле. Аның тешләре ак.)

3. Үрнәк буенча диалог төзегез:

Үрнәк: – Синең күзләрең авыртамы? – Юк, минем күзләрем авыртмый.

Сораулар: Синең колагың…? Синең борының…? Синең авызың…?

     VII.    Билгеләр кую (бәяләү)