Гөлнур ВӘЛИУЛЛИНА,

Казандагы 293 нче катнаш төрдәге балалар бакчасы тәрбиячесе

Театр уеннары балалар бакчасында, бигрәк тә телләр өйрәнгәндә, белем бирү программасының аерылгысыз өлеше булып тора. Балаларны татар теленә өйрәтү контекстында әлеге уеннарның инновацион кулланылышы белән уртаклашасым килә.

Татар телен өйрәнүдә әкиятләр буенча театральләштерелгән уеннарны куллану балаларга әкиятләрнең нәфис дөньясына чуму өчен уникаль мөмкинлек бирә, шул ук вакытта тел күнекмәләрен һәм мәдәни аңлауны үстерә. Бу ысул безнең балалар бакчасында актив кулланыла һәм нәтиҗәләре бик тәэсирле.

Уен барышында балалар үзләрен әкият дөньясының бер өлеше итеп хис итәләр, шул ук вакытта алар татар телендә яңа сүзләр һәм җөмләләр өйрәнәләр. Бу – балаларга тел конструкцияләрен истә калдырырга гына түгел, ә татар телен практикада кулланырга да ярдәм итә. Балалар рольле уеннар ярдәмендә татар телендә аралашырга өйрәнә.  Әкиятләр буенча театр уеннары уйнаганда татар мәдәнияте һәм традицияләре элементларын өйрәнәләр. Алар чын ситуацияләргә чумалар, милли мәдәниятнең атмосферасын һәм тәмен сизә алалар. Бу алым төрле культураларга хөрмәт һәм кызыксыну тәрбияләргә ярдәм итә, толерантлыкны һәм дуслыкны үстерә.

Театр уеннары шулай ук балаларның иҗади фикерләү һәм фантазия үсешенә ярдәм итә. Балалар үз хисләрен диалоглар, җырлар һәм хәрәкәтләр аша иркен белдерә алалар, бу аларга әдәби фантазия һәм импровизацияләне үстерергә ярдәм итә. Балалар шулай ук командада эшләргә өйрәнәләр, матур тамаша булдыру өчен бер-берсе белән хезмәттәшлек итәләр.

Гомумән, балалар бакчасында татар телен укытуда әкиятләр буенча театральләштерелгән уеннарны куллану нәтиҗәле һәм мавыктыргыч алым булып тора. Бу уеннар тел күнекмәләрен актив үстерү белән генә чикләнми, ә толерант һәм мәдәни яктан аңлы буын формалашуга да ярдәм итә. Безнең тәҗрибәбез шуны күрсәтә: балалар мондый уеннарда шатланып катнашалар һәм телне уңышлы үзләштерәләр, кызыксынучанлык һәм яңа белемнәргә омтылышлары арта.

Шулай итеп, балалар бакчасында татар телен укытуда әкиятләр буенча театральләштерелгән уеннарны куллануның күп өстенлекләре бар һәм балаларның һәрьяклап үсешенә, телне өйрәнүгә уңай мөнәсәбәт формалаштыруга һәм балаларда иҗади фикерләүне үстерүгә ярдәм итә. Бу –кызыклы, нәтиҗәле һәм бик уңай ысул.