Максат. Укучыларның мәсьәлә чишә белүләрен ныгыту,

арифметик гамәл үзлекләрен куллану нигезендә бирем үтәү.

ТБУУГ: танып-белү акивлыгын, логик фикерләүне тәрбияләү.

РУУГ::икеурынлы саннарны дөрес язу, уку күнекмәсен, үз эшчәнлегенең нәтиҗәсен яхшыртуга ихтыяҗ формалаштыру.

КУУГ: үз фикереңне аргументлар белән нигезли, дәлилли белү, күршең белән хезмәттәшлек итү.

Дәрес тибы: белемнәрне ныгыту.

ШУУГ: үз мөмкинлекләреңне бәяләү, тормыш тәҗрибәсен куллану.

Методик алымнар: әңгәмә, уен, күрсәтмә, сүзле (сораулар, җаваплар, киңәш һәм мактаулар) Сингапур структурасы элементлары.

Җиһазлау: компьютер, экран, проектор, презентация, самолет (оригами), биремле карточкалар, магнитофон.

Материаллар: самолет төзү өчен геометрик фигуралар, дәреслек, дәфтәр

Предметара бәйләнеш: әйләнә-тирә дөнья, музыка

Эш формалары: фронталь, индивидуаль, парларда (төркемнәрдә).

Максат. Геометрик фигураларның мәйданнарын табуны ныгыту.

ТБУУГ: мәйдан таба белү күнекмәләрен камилләштерү, исәпләүләрне ныгыту.

РУУГ: укытучы белән берлектә уку максатлары кую.

КУУГ: үз фикереңне булдыру, укытучы соравына төгәл җавап бирергә өйрәнү.

ШУУГ: үзбәя кую сәләте булдыру, исәпләү, нәтиҗә ясый белү күнекмәләрен үстерү, хата ясаудан курыкмау, хаталарны тикшерергә әзерлек күрсәтү.

Дәрес тибы: белемнәрне ныгыту.

Методик алымнар: уен, күрсәтмә, әңгәмә, сүзле (сораулар, җаваплар, киңәш һәм мактаулар) Сингапур структурасы элементлары.

Җиһазлау: компьютер, экран, проектор, презентация, самолет (оригами), биремле карточкалар, тест, магнитофон.

Материаллар: самолет төзү өчен геометрик фигуралар, дәреслек, дәфтәр.

Предметара бәйләнеш: әйләнә-тирә дөнья, музыка.

Эш формалары: фронталь, индивидуаль

Максат: укучыларны уку хезмәтенә әзерләү

Балаларның игътибарын туплау

II. Актуальләштерү

Максат: телдән исәпләү күнекмәләре булдыру     

III. Белем һәм күнекмәләрне беренчел ныгыту

Максат:

I сыйныф. Мәсьәләләр чишә, чишелешен яза белүне ныгыту.

III сыйныф. Төрле озынлык үлчәү берәмлекләре белән мәйдан таба белүне ныгыту.

IV. Белемнәрне   мөстәкыйль ныгыту

Максат: мөстәкыйль эшли белүне ныгыту.

Физкультминутка

Максат: күзләрне ял иттерү

V. Белемнәрне киңәйтү.

Максат: төрле үлчәү берәмлекләре белән мәйдан табу

Мәсьәләнең чишелешен язу.

Физкультминутка.

Максат: укучыларны ял иттерү

VI. Йомгаклау.         Рефлексия

Максат: дәрескә нәтиҗә ясау

Дәрестә утыру кагыйдәләрен искә төшерү

Дәрескә кирәк әсбапларны әзерләү

Телдән исәпләгәндә үз фикереңне әйтү

Проблема чишкәндә үз фикереңне дәлилли белү.дәреснең темасын ачыклыйлар

Самолет моделе төзү

Дәрес темасын һәм планын төзү өчен сорауларга җавап бирү, җавапларны дәлилли белү

ФО БОКС СИНЕКТИКС РЕВЬЮ

структурасы буенча эшлиләр

Куянга ярдәм итү

III сыйныф. Тактада мөстәкыйль эшли

Мисалларны уку, мәсьәлә төзү.

– Мин белдем…

– Истә калдырдым…

– Өйрәндем…

Укучыларны эшкә әзерләү

Мисаллар әйтү

Проблемалы сорауларны чишкәндә һәм дәреснең темасын ачыклаганда тиешле юнәлеш бирү

Дәрес темасын ачыклау.

Дәрестемасын һәм  планын төзү өчен сораулар бирү

Планны бергәләп слайдтан уку

МИН БЕЛӘМ планы буенча эш

Мәсьәләләрне укырга ярдәм итү

Мәсьәләләрне уку

«Оста җиләкче»не билгеләү

Мәйдан таба белү ни өчен кирәк икәненә төшендерү

– Исәнмесез, укучылар! Әйдәгез, бер-беребез белән елмаеп исәнләшик.

– Хәерле көн миңа, (1 нче укучы әйтә)

– Хәерле көн сиңа, (2 нче укучы)

– Хәерле көн сезгә, (3 нче укучы)

– Хәерле көн барыбызга! (Бергә) 2 нче слайд

– Рәхмәт, укучылар,тыныч кына урыннарыбызга  утырыйк.

– Балалар, тәрәзә аша яз кояшы елмая. Ул безнең бүлмәгә дә кергән: безгә күңел күтәренкелеге һәм уңышлар тели.

– Әйдәгез, үзегез белән таныштырып китим әле. Гаиләдәге уртанчы бала бассын. Бу матур кыз – Илүзә III сыйныфта укый. Аның киләчәктәге хыялы – табибә булу. Ә хәзер гаиләдәге икенче – кечкенә бала белән танышыйк. Ул – безнең Данил исемле егет. Данил шофер булырга әзерләнә. Ә гаиләдәге олы бала – Инзилә.Ул биюче буласым килә, ди. Менә танышып та алдык.

– Һәрберебезнең дә кәефе яхшы, күңеле шат. Димәк, математика дәресен башлап җибәрәбез. Дәресебезнең девизын искә төшерик әле: «Безнең эштә төп максат – уйлау, эзләү һәм чишү»  3 нче слайд

Укытучы әйткән мисалларның җаваплары  белән килешүче укучылар урыннан торып баса, килешмәүчеләр утырган килеш кала.

– Афәрин,укучылар! (Балалар фейерверк ясый.)

– Бүген, укучылар, безнең дәрес гадәти булмаячак. Без сезнең белән «Математика патшалыгы»на барачакбыз. Барасыгыз киләме?

– Әйе, барасыбыз килә.

– «Математика патшалыгы» – бик зур ул. Анда «Алу һәм кушу», «Тапкырлау һәм бүлү», «Мисал», «Мәсьәлә» шәһәрчекләре бар. Без  аларның һәрберсен күрербез.

– Хәзер мин сезгә табышмак әйтәм. Җавабын тапсагыз, математика патшалыгына  нәрсә белән барачагыбызны белербез.

Оча күктә бер зур кош,

Канатларын бер дә какмый,

Кешеләр һәм йөк ташый.  5 нче слайд

– Самолет. (Экранда самолет рәсеме күренә.)

– Дөрес, балалар, без «Математика патшалыгы»на самолетка утырып барырбыз. Әгәр көн томанлы, начар һава торышы торса, самолет оча алмый. Ә бүген көн  бик  матур. Димәк, оча алабыз дигән сүз.

Ә самолет моделен геометрик фигуралардан үзебезгә ясарга туры киләчәк. Самолет килеп чыкса, бүгенге дәреснең темасы да ачыкланачак. (Слайдта)

– Самолетны нинди геометрик фигуралардан ясадык? (Укучылар җавабы.)

– Афәрин, укучылар!

– Менә самолетыбыз әзер. Самолетка билет алырга гына калды, ә билетлы булу өчен сезгә сорауларга җавап бирергә кирәк булыр. Аларга җавапларыгыз дөрес булса, дәресебезнең темасы һәм  планы  килеп чыгар.

1 нче сорау.

Керпе гөмбәгә барды  (7 нче слайд)

9 ак гөмбә тапты.

3 не бирде тиенгә,

Калганын кәрзиненә.

– Керпе ничә гөмбәне кәрзиненә салган?

– 6 гөмбәне кәрзиненә салган.

– Бик дөрес,утыр.

2 нче сорау. Ак каенда 3 чыпчык, — 8 слайд

Түбәдә 5 сыерчык.

Әйтмәс микән берегез:

Барысы ничә кошчык?

– Барысы 8 кошчык.

– Афәрин, җавап дөрес.

3 нче сорау (III cыйныф) Яклары 5 һәм 3 сантиметрлы  (9 слайд) турыпочмаклыкның мәйданы күпме булыр?

– 15  кв. см.

– Дөрес, утыр.

– Бүген дәресебезнең темасы: 1кл.- Мәсьәлә. Җавапны исәпләү һәм язу. 3кл. Мәйдан табуны камилләштерү

10 нчы слайд

Дәресебезнең планы: 10 слайд

1) Мин беләм.

2) Мин белергә телим.

3) Моны белү миңа ни өчен кирәк?

– Менә һәрберебез билет алды,ә хәзер самолетка утырыйк. Ременьнәрегезне эләктереп куегыз. Самолетта очканда барлык куркынычсызлык кагыйдәләрен дә үтәргә кирәк.

– Ә хәзер барганда күңелсез булмасын өчен бер уен уйнап алыйк.

– Мин беләм: дәрес темасы буенча нәрсәләр беләм?

– Менә без математика патшалыгына килеп тә җиттек.

13 нче слайд. Безне нинди матур табигать каршы алды. Аңа сокланып алыйк әле. (Күзләрне ял иттерүгә презентация)

– Менә ял да итеп алдык. 14 нче слайд.

– Чү, кемнеңдер елаган тавышы ишетелә. Абау, бу – безнең якларда яшәгән куян түгелме соң? (Куян турында  аз гына сөйләп алына.) Ә ул нигәдер елый? 15 нче слайд

– Куян син нигә елыйсың? Ә-ә, аның алдында ниндидер кәгазь кисәге. Әйдәгез, укыйк әле.

«Зинһар, ярдәм итегез!» –дип язылган. Ә артында без эшли  ала торган мәсьәләләр язылган. Куянга ярдәм итәбезме?

-Әйе, ярдәм итәбез.

Мин белергә телим.  16 слайд.

Куян сезгә үзенең рәхмәтләрен белдерә һәм ул сезгә кишер бүләк итә.

– Укучылар «Математика патшалыгы»нда ничек рәхәт.  Нинди генә чәчәкләр үсми, җиләкләре авызга үзем керәм дип тора. 17 нче слайд

– Афәрин, укучылар! Бик дөрес эшләдегез.

Математика дәреслегеннән күнегүләр эшләү.

I сыйныфтагылар укытучы белән берлектә,           III сыйныф укучылары мөстәкыйль эшли

МИКС ФРИЗ ГРУП структурасы буенча физкультминутка. 18 нче слайд

Укучылар бер-бер артлы тезелеп баса. (Бию көе яңгырый.) Алда баскан укучының хәрәкәтләрен арттагылар кабатлый. Музыка туктагач, укучылар да туктый. Укытучы сорау бирә. Балалар шул сорауга  җавап булган санча парлашалар. Хәзер алга икенче укучы чыгып баса, аның күнегүләрен кабатлыйлар. Ял вакыты  шулай дәвам итә.

– Юлыбызны алга таба дәвам иттерәбез. Безнең юлда үсеп торган  бу мандаринның җимешләре  инде күптән өлгергән. Әйдәгез әле, аларны  тиз генә җыеп алыйк.

Моны белү миңа ни өчен кирәк?

– Сез бик өлгер балалар! Кушкан эшне бик тиз һәм дөрес итеп башкарасыз! Алдагы эшебезне эшләсәк, без «Математика патшалыгы»н әйләнеп тә чыгабыз  икән. Эшне тиз генә эшлик тә кайтыр юлга  кузгалырбыз.

– Укучылар, әйтегез әле, мәсьәлә нинди өлешләрдән тора?

Мәсьәләнең шарты бар – нигезе (өй нигезен тактага беркетәм) була. (Ахырдан җөмлә укыла.) Бу нинди җөмлә?

– Сорау җөмлә.

– Дөрес. Димәк, монысы мәсьәләнең соравы була. (Стенаны беркетәм.)

– Сорагач, нишлибез?

– Җавап бирәбез. (Кәрнизне беркетәм.)

– Дөрес. Мәсьәлә чишкәндә җавап бирү өчен мисал эшләргә, ягъни чишәргә һәм җавапны дәфтәргә язып куярга кирәк икән. (Түбәне беркетәм.)

– Булдырдыгыз. Тактада нәрсә килеп чыкты?

– Өй.Укучылар,  мәсьәлә чишү ул – өй төзү белән бер. Без өй төзегәндә башта  нишлибез?   (Укучыларның җавабы тыңлана)

– Мәсьәлә чишкәндә дә шулай эшлибез.

– Менә без өебезгә кайтып та җиттек.  Әйдәгез, дәрескә нәтиҗә ясыйк.

– Ниләр белдегез?

– Истә калдырдыгыз?

– Ниләр өйрәндек?

Өйгә эш (III сыйныфка): өйдәге өч предметның мәйданын табарга.

 Үзбәя

ШУУГ: Безнең тырышып эшләвебез нәрсәдән тора?

КУУГ: үз фикереңне булдыру.

ТБУУГ: логик фикерләү

РУУГ: нинди геометрик фигуралардан төзедек?

РУУГ: I сыйныф.  Мәсьәлә ничек чишелә?

III сыйныф. Мәйдан ничек табыла?

РУУГ: мәйдан табуны тагын нинди үлчәү берәмлекләрендә башкаралар?

ТБУУГ: мәсьәләләрнең чишелеше ничек языла? (I сыйныф)

Кв.м ларда мәйдан ничек табыла? (III сыйныф)

КУУГ: мәйдан таба белү ни өчен кирәк?

КУУГ: уку хезмәтлеге булдыру, нәрсә белү-белмәвен ачыклау

ШУУГ: коллектив һәм индивидуаль эшне дөрес бәяли белү