№ 112

Светлана КОСТРЮКОВА, Казандагы 376 нчы балалар бакчасының музыка җитәкчесе

Алып баручы (А.Б.) – Балалар, без бүген сезнең белән ел да үтә торган зур бәйрәмгә җыелдык. Табигатьтә  барлык үсемлекләр әйтерсең лә берсеннән-берсе матуррак күлмәк кигән: агачларда сары-кызыл яфраклар. (Залга кулларына көзге яфраклар тоткан балалар керә.)

(Җыр “Алтын яфраклар очалар”)

(Җыр бетүгә,балалар яфраклар артына качалар.А.Б. яфракларны җыя)

А.Б. – Күпме матур яфраклар.Мин аларны җыеп, вазага зур букет ясап утыртыйм әле.

1 бала: Менә көз килде,

Салкынча җилле.

Агачларда яфраклар,

Саргайган инде.

2 бала: Бездәге кошлар

Көньякка китте.

Сизелмичә дә,

Җылы җәй үтте.

3 бала: Көз ашыга агачларга

Үз бизәген салырга:

Урманнарны, болыннарны

Буяп китә сарыга.

(Җыр “Көз килде”)

4 бала: Көзге матур бер көндә

Куян йөгергән өенә.

Аланнар буйлап та.

Болыннар буйлап та.

Кәрзинендә булган ,ди

Төрледән-төрле гөмбә.

(Кулына кәрзин тотып, зур куян керә.)

Куян:

Бүген иртән әни миңа

Кушты гөмбә җыярга.

Һәр гөмбәне кәрзинемә

Кирәк салып куярга.

(Матур көй яңгырый. Сикергәләп, җырлый-җырлый, ике нәни куян керә.)

Куяннар: (җырлыйлар)

Без дә бит сезнең кебек

Табигатьнең баласы.

Дөнья киң ул, һәркемгә

Җитәр аның һавасы.

Кушымта:

Ал да булаек әле,

Гөл дә булаек әле.

Без җырламый, кем җырласын,

Без дә җырлаек әле.

(Аланда төрле-төрле гөмбәләр баш калкыта.)

2 ак гөмбә (бергә)

Без – ак гөмбә,

Без – батыр гөмбә

Куркмыйбыз беркемнән дә,

Менә шундый кыю гөмбә.

2 гөреҗдә (бергә)

Без – гөреҗдә гөмбәләре,

Бертөсле бөтенебез.

Безне табу кыен түгел –

Урман юлыннан эзләгез.

Баллы гөмбә

Мин – баллы гөмбә,

Үсәм көндез һәм төнлә.

(Хоровод “Балалар һәм гөмбәләр”.)

(Гөмбәләр эчке түгәрәктә, балалар тышкы түгәрәктә бии-бии җырлыйлар.)

Куян:

Ай, нинди күп сез бүген урманда,

Мин телим хәзер барыгызны да җыярга.

(“Куян һәм гөмбәләр” уены.)

5 бала:

Килә шаулы, алтын матур көзем,

Оча яфрак, исә көзге җил.

Табигатнең бигрәк сокландыргыч!

Хуш киләсең, көзем, әйдә кил!

(Салмак көй астында кулына яфраклар тоткан көз керә.)

Көз:

Исәнмесез, балалар! Күрәм. Бүген сездә бәйрәм. Мин дә сезнең янга буш кул белән килмәдем.

6 бала:

Моңлы, гүзәл,

Матур, аяз көннәр,

Мул игеннәр –

Синең бүләген.

Сокландыргыч синең табигатең,

Бигрәк матур, ай-һай, күлмәгең!

Көз: Рәхмәт матур сүзегезгә!

(Балалар шигырьләр сөйлиләр.)

Көз:,

Ә хәзер балалар, бергәләп уйнап алыйк әле. Сорауларыма дөрес җавап бирегез. Игътибарлы булыгыз.

(“Көздән сорыйбыз” дигән җырлы-биюле уен уйнала.)

Көз:

Көз көнендә, балалар,

Кырдан ниләр җыялар?

Балалар:

Беләбез, беләбез: кырдан бодай җыялар

Көз:

Тагын,тагын һәр елны, нәрсә бүләк итә көз?

Балалар: Күп төрле яшелчәләр, бик яратып ашыйбыз.

Көз: Тагын әле әйтегез: бакчалар соң ни бирә?

Балалар: Җимешләр һәм җиләкләр кыш буена җитәләр.

Көз: Бигрәк матур җырлыйсыз, балалар, рәхмәт сезгә. Кайда соң минем яңгыр дустым? Яңгырдан соң гөмбәләр күп тишелә. Куянкайга гөмбә кирәк дип ишеткән идем.

(Җыр. “Дождик”)

Көз: Әйдәгез, нәни куяннар, бергәләп, куян апагызга гөмбә җыярга булышыйк.

(“Гөмбә җыю” уены уйнала.)

А.Б. – Ягез, санап карыйк, кем  күбрәк гөмбә җыйды икән?

Куян: Рәхмәт сезгә, дусларым, әнием бик шатланыр. Сау булыгыз!

(Җыр. “Алтын яфраклар”.)

Бала:

Җырладык та, биедек тә,

Шыгырьләр дә сөйләдек.

Матур гына уйнп алдык,

Бер дә читенсенмәдек.

Көз: Рәхмәт сезгә, дусларым, үземнең биләмәләремне кышка тапшырам, сезнең белән хушлашам. Сау булыгыз!

А.Б – Бүгенгә без хушлашабыз,

Бәйрәмне тәмамлыйбыз,

Күңелле дә соң бу көз!