Зиннур Хөсниярның «Тукран тәүбәсе» әкиятен өйрәнү
№ 129
(II сыйныф. Әдәби уку дәресе)
Венира ГАДЕЛШИНА,
Бөгелмәдәге 8 нче төп мәктәпнең I квалификация категорияле татар теле һәм әдәбияты укытучысы
Максат һәм бурычлар:
– З.Хөсниярның тормыш юлы,иҗаты турында мәгълүмат бирү;
– укучыларны «Тукран тәүбәсе» әкияте белән таныштыру, әкият жанры турында белемнәрен тирәнәйтү;
– укучыларның бәйләнешле сөйләм телен үстерү, фикерләү сәләтен камилләштерү;
– аңлап, йөгерек уку күнекмәләрен камилләштерү;
– укучыларда әйткән сүзендә тора белү, үти белү кебек сыйфатлар; кошларга карата саклык хисләре тәрбияләү.
Планлаштырылган нәтиҗәләр:
танып белү УУГ: танып белү максатын аңлау, аңлап укый белү, укылган текстан кирәкле мәгълүматны табып аера белү;
коммуникатив УУГ: сорый, тыңлый һәм башкаларның сорауларына җавап бирә белү;
регулятив УУГ: укытучы һәм сыйныфташлар белән уртак эшчәнлекне оештыра белү, үзбәя.
Дәрес тибы: яңа материалны өйрәнү дәресе.
Предметара бәйләнеш: рәсем сәнгате.
Эшне оештыру: фронталь, индивидуаль.
Материал: Гарифуллина Ф.Ш., Мияссарова И.Х.. Әдәби уку. 2 нче кисәк. 2 нче сыйныф өчен дәреслек. – Казан: Мәгариф- Вакыт, 2017.
Җиһазлау: проектор, ноутбок, иллюстрацияләр, презентация, эш дәфтэре.
Дәреснең технологик картасы
| Дәрес этаплары | Укытучы эшчәнлеге | Укучы эшчәнлеге | Уку-укыту гамәлләре |
| I. Оештыру.
Мотивлаштыру |
Уңай психологик халәт булдыру. Исәнләшү
– Исәнмесез укучылар. Хәерле иртә сезгә!
– Укучылар, без үткән дәрестә нинди хикәяне укыган идек? – Мин сезгә табышмак әйтәм, сез, шул табышмакның җавабын табып, хикәяне искә төшерегез: «Җәен –соры, кышын – ак, аңа шулай яхшырак» |
– Исәнмесез …. Хәерле иртә миңа. Хәерле иртә сезгә. Хәерле иртә безгә. Хәерле иртә сезгә.
Әңгәмәдә катнашалар
Табышмакның җавабын табалар (Куян) |
ШУУГ: укытучы һәм сыйныфташларны хөрмәт итү
КУУГ: диалогта катнашу,фикерләрне ачык һәм дөрес итеп әйтү ТБУУГ: тыңлап аңлау |
| II. Белемнәрне актуальләштерү | – Куян баласы Нуяк суыктан куркамы?
– Ни өчен курыкмый? – Аңа ни өчен күңелсез? – Куян баласы нинди? – Буран ничек улый? – Ни өчен куян баласы буранны җәнлек дип уйлый? |
Укучыларның җаваплары; текстан кирәкле юлларны табып укыйлар | ТБУУГ: тыңлап аңлау,укылган текстан кирәкле мәгълүматны табып аера белү
КУУГ: фикерләрне ачык һәм дөрес итеп әйтү |
| III. Уку мәсьәләсен кую | – Мин сезгә табышмак әйтәм, табышмакның җавабын табыгыз әле: «Җәй шакылдый бер чүкеч, кыш шакылдый бу чүкеч, ничек чыдый бу чүкеч?»
– Без бүген сезнең белән нәрсә турында укырбыз? – Тукран турында безнең язучыларыбыз күп хикәяләр язганнар. Без язучы Зиннур Хөснияр иҗаты белән танышырбыз. Тукран турында мәгълүмат бирү. – Укучылар, тәүбә сүзе нәрсәне аңлата. Әйдәгез әле, бу сүзнең мәгънәсен татарча-русча сүзлектән табыйк әле. Тәүбә – раскаяние, покаяние Тәүбә итү – каяться, раскаяться Тукран тәүбәсе –судейский обет (зарок, пустая клятва, который много раз дается, но так и не исполняется) |
Табышмакның җавабын табалар (Тукран) Җавап бирәләр
Презентация карыйлар, тыңлыйлар (презентация)
Татарча-русча сүзлек белән эшлиләр
Уку мәсьәләсен фаразлыйлар, дәреснең темасын әйтәләр, танып белү максатын билгелиләр |
ТБУУГ: уку мәсьәләсен аңлау, нәтиҗә ясау
РУУГ: фаразлау, уку мәсьәләсен куя белү КУУГ: фикерләрне ачык һәм дөрес итеп әйтү |
| Ял минуты
IV. Уку мәсьәләсен чишү
|
– Без хәзер ял итеп алабыз.
Сүзлек өстендә эш Әкиятне укытучының укуы
Сораулар бирү – Усак агачы ярдәмгә нәрсәне чакырды? – Аю Әппәс тукранга нәрсә дип әйтте? – Кошлар тукран янына килеп нәрсә турында ялвардылар? – Аю Әппәс тукранга нәрсә дип әйтте? – Тукран нәрсә дип җавап бирде? – Агачларга, кошларга нәрсә булды? – Аю Әппәс тукранга нәрсә дип әйтте? –Тукран ничек җавап бирде? – Нинди нәтиҗәләр ясыйбыз? – Тукран турында эндәшләр дә бар: Тук, тук, тукран, Тукылдатып утырам. Агачтагы кортларны, Барсын чүпләп бетерәм
|
Физкульминутканың сүзләрен әйтеп, хәрәкәтләрне күрсәтәләр
– Кара әле, үскәнем, ничек куян сикерә?! – Менә шулай, менә шулай, шулай куян сикерә! – Кара әле, үскәнем, ничек йөри аюлар?! – Менә шулай, менә шулай, шулай йөри аюлар! – Кара әле, үскәнем, ничек кошлар очалар? – Менә шулай, менә шулай, шулай кошлар очалар Сүзләрне сүзлек дәфтәренә язалар Әкиятне чылбырлап укыйлар Сорауларга җавап бирәләр
Эндәшне кабатлыйлар |
ТБУУГ: уку мәсьәләсен аңлау, укылган тексттан кирәкле мәгълүматны табып аера белү. КУУГ: уку-танып белү мәсьәләләре белән бәйле рәвештә бергәләп эшли белү, фикерләрне ачык һәм дөрес итеп әйтү. РУУГ: үзрегуляция, бәяләү |
| V. Рефлексия | – Бу әкият сезгә ошадымы? Ни өчен?
– Бу нинди әкият? Көнкүреш әкиятеме, хайваннар турындамы, тылсымлы әкиятме? – Ни өчен әкият «Тукран тәүбәсе» дип атала? |
Җаваплар тыңлана | РУУГ: укытучы белән бергәләп үз эшен, иптәшләренең җавапларын бәяләү |
| VI. Өйгә эш | 1. Әкиятне сәнгатьле итеп укырга, сөйләргә өйрәнергә
2. Китап тышлыгы ясап килергә 3. Тукран турында тизәйткечне укырга өйрәнергә |
Үз эшенне планлаштыру |
